بەگشتی نامە لە کەسانی ناو لیستی مۆبایلەکەتەوە بۆ دێت، لە ڕێگەی بەرنامەی واتسئەپەوە، دواتر بە خێرایی دەسڕدرێتەوە. یان ئەو نامانە بە هەڵە نێردراون یان ئەو کەسەی ناردوویەتی پاشەکشەی کردووە لە ناردنی بۆ ئێوە، ئەمەش وا دەکات زۆرێک لە ئێمە هەست بە کنجکاوی و سەرلێشێواوی بکەین.
بەڵام بە بڕوای شارەزایانی بواری تەكنەلۆجیا، ئەگەر پێت وایە كاتێك نامەیەك لە گفتوگۆی “واتس ئەپ”دا دەسڕیتەوە، بەتەواوی نامێنێت، ئەمە وانییە، چونكە ئەوەی تۆ ناردووە یان وەرتگرتووە، بە توانای وەرگرتنەوە و خوێندنەوەی لایەنی بەرامبەر دەمێنێتەوە.
بەرنامەی واتسئەپ ڕێگە بە سڕینەوەی نامەکان دەدات، جا چ لە گفتوگۆی تاکەکەسی یان گروپی، بەبێ گوێدانە سیستەمی کارپێکردنی مۆبایلە زیرەکەکان. بەکارهێنەرانی ئەو مۆبایلانەی کە “ئەندرۆید” و “ئای ئۆ ئێس” و “ویندۆز”یان لەسەرە دەتوانن نامەکان بسڕنەوە و زۆرێکیش پێیان وایە ڕزگاریان بووە لەوەی کە بۆ هەمیشە سڕیوەتەوە.
ئەو لایەنەی نامەکە وەردەگرێت نیشانەیەک دەبینێت کە نێرەر پەیامێکی سڕیوەتەوە
"The message has been deleted"
، بەڵام دەتوانن سوود لە تایبەتمەندی "پاکئەپ" وەربگرن بۆ بینینی نامە سڕاوەتەوە، بێگومان ئەگەر پێویستیان پێی بێت.
بۆ ئەوەی مرۆڤ سەیری ئەم نامە سڕاوانە بکات بەسە هەنگاوی سادە بنێت، یەکەمیان ئەوەیە کە بەرنامەی “واتسئەپ” لە مۆبایلەکە لاببات، پاشان دووبارە دایبەزێنێتەوە و ناوی خۆی تۆمار بکات.
کاتێک بەکارهێنەرێک دەچێتە ناو ئەپەکەوە، دەتوانێت هەموو گفتوگۆکان بگەڕێنێتەوە، بە نامە سڕاوەکانیشەوە، دواتر وەک ئەوەی نەسڕابێتەوە پیشانی بدات.