تۆڕی ئەمریکی بەناوی "سناپچات" وەشانی
پارەدار لە ئەپڵیکەیشنەکەی خستە بازاڕەوە، لە هەوڵێکدا بۆ بەدەستهێنانی قازانجی زیاتر لەسەر پلاتفۆرمی تایبەتمەند بە پەیامە وێنەییە کاتیەکان
کۆمپانیاکە کە بنکەکەی لە کالیفۆرنیایە لە پۆستێکدا لە بلۆگەکەیدا رایگەیاندووە، بەشداریکردن لە “سناپچات پڵەس” مانگانە ٤ دۆلارە و تایبەتمەندی تایبەت بە بەکارهێنەر دابین دەکات، لەوانە ئەولەویەت بۆ وەرگرتنی پشتگیری تەکنیکی و بەردەستبوونی تایبەتمەندی تاقیکاری بۆی پێش ئەوەی بخرێتە بازاڕەوە
ڕوونیشی كردەوە، ئەو وەشانەی بە پارە لە سەرەتادا لە ئوسترالیا، بەریتانیا، كەنەدا، فەرەنسا، ئەڵمانیا، نیوزلەندا، سعودیە، ئیماراتی یەكگرتووی عەرەبی و ئەمریكا بەردەست دەبێت.
لە مانگی شوباتدا کۆمپانیاکە قازانجی چارەکی یەکەمی خۆی ڕاگەیاند، بەڵام دوای دوو مانگ ئاماژەی بەوەدا کە ئاسۆی ئابووری تا ڕادەیەکی زۆر ناڕوون بووە.
ئەوەشی خستۆتەڕو كە رۆژانە زیاتر لە 332 ملیۆن كەس لە جیهاندا سناپچات بەكاردەهێنن.
لە پۆستەکەیدا دەڵێت: "ڤێرژنە پارەدارەکە ڕێگەمان پێدەدات تایبەتمەندی نوێی تایبەت بە ئەپەکان بە بەسۆزترین بەکارهێنەرانی ئەم پلاتفۆرمە بناسێنین".